搬龍門

假設一場足球比賽，當我發覺好難入到波的時候，我可否將個龍門搬前少少呢 ?又或者將個龍門框放大少少呢? 呢個行為就係俗語所講的搬龍門啦。

​

咁原來係唔得架喎，但係我又要入波咁點算呢? 咁就唯有練好D腳法囉。練下D香蕉射球呀，猛虎射球呀，學下插花呀等等啦。聽落呢個道理好簡單，但放返落去工作裏面，又唔知點解經常性當同事遇到問題或者困難嗰陣，我聽到個要求佢地都係希望改變呢個遊戲規則架喎。「可唔可以extend個deadline呀? 」「喂可唔可以special approval呀?」但咁樣同叫我放大D同埋搬前D個龍門框有咩分別呢?

​

我記得我師父教過我呢番說話:「當客觀環境改變唔到的時候，我地要改變自己， 直至自己strong enough去將客觀環境改變。」所以當大家成為話事人之前，都係跟遊戲規矩玩啦!